同韓國Oppa唔過電 陳漢娜唔急拍拖:最重要講感覺

藝人陳漢娜(Hanna)早前憑電影《殺破狼.貪狼》入圍第37屆香港電影金像獎「最佳新演員」,除了電影作品獲外界好評外,她亦成為廣告界的新寵兒,最近她再次為珠寶品牌拍攝廣告宣傳相,今次已是Hanna與品牌第三次合作,拍攝當日她換上多個造型,由於今次主題為情人節,故此Hanna獲安排與韓籍男模拍攝,兩人更不時需要深情對望,所以Hanna事前都先跟對方聊天互相了解,令自己更容易代入熱戀的情侶。

唔愛韓國Oppa

雖然拍攝期間韓籍男模不時向Hanna「放電」,但她卻笑言未有過電,甚至表示韓國Oppa並非佢杯茶:「唔少女仔愛韓國男仔,不過我比較鍾意日本男仔,雖然對方好靚仔,但我冇畀佢電暈啊!」不過她坦言自己是個害羞的女生,而且還要跟男模對望,故此拍攝時相當緊張:「拍攝嗰陣其實我扮鎮定,內心係好驚嘅。」

陳漢娜坦言同韓國Oppa唔過電

對情人節無感

提到情人節將至,自言沒有情人的Hanna直言對情人節「無感覺」:「如果你真係有情人嘅話,日日都可以係情人節,唔一定要重視呢一日。」她笑言當日會留在家中,又表示不急於找情人:「最重要講感覺,兩個人一齊係一種緣份,有嘅話就有,冇都唔係強求。依家工作為先,因為我係一個好多嘢想去實踐嘅人,拍拖大家會有一個承諾同責任,你嘅時間會分薄咗,拍拖後可能好難去兼顧工作。」

陳漢娜認為拍拖最緊要講感覺
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟