【咁誇張?】生完仔壓力大 孫慧雪爆囝囝識講「I love you」

孫慧雪

藝人孫慧雪現身銅鑼灣街頭出席保險公司宣傳活動,並在街頭派香蕉給市民呼籲關注精神健康,吸引大批市民圍觀接「蕉」,場面墟冚。

孫慧雪在街頭派蕉,呼籲市民關注精神健康

有疫苗的話會幫囝囝打

孫慧雪坦言為湊六個月大的囝囝Riley,近日精神壓力甚大,她指昨日帶囝囝打防疫針後,回到家囝囝就有少少鼻塞,令她擔心到差不多整晚睡不着。她又透露因市面流感疫苗已斷貨,故未為囝囝打流感針,提到謝安琪(Kay)質疑疫苗成效的聲帶流出,因而引起爭議,孫慧雪表示未有留意報道,但認為每人都有不同看法:「都有朋友叫我唔好幫BB打防疫針、唔好食藥,每個媽媽都有自己嘅方法,阿Kay一定有佢自己嘅觀點同立場。」而她則選擇有疫苗的話就幫囝囝打,因擔心如果沒有打的話可能會容易有流感。

對於謝安琪質疑疫苗成效的聲帶流出引起爭議,孫慧雪認為每人都有不同看法

囝囝識講「I love you」

另外,近日有報道指孫慧雪產後半年仍未修身,她笑言「減磅」也是壓力來源之一:「其實我生完之後就140磅,已經瘦咗,依家大概130磅,希望再減多20磅。暫時都唔會生BB住,如果唔係啲脂肪就好大鑊。」她又表示囝囝已開始學爬行及講BB話,更會對她說「I love you」:「老公都有教佢叫媽媽,但其實我知道佢心底裡係想BB叫佢做爸爸多啲。」

孫慧雪透露囝囝識講「I love you」
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟