【金像獎2018】冇信心拎最佳新演員 陳漢娜最想古天樂拎影帝

陳漢娜(資料圖片)

《第37屆香港電影金像獎頒獎典禮》今日(6號)公布入圍名單,其中陳漢娜(Hanna)憑《殺破狼.貪狼》入圍「最佳新演員」。對於能夠獲提名,Hanna坦言十分開心及驚喜:「對於我嚟講,我有份去拍《殺破狼.貪狼 》、有份去做李穎芝呢個角色已經好幸運。最想多謝葉偉信導演,冇佢揀我做呢個角色,我根本冇機會入圍。今次我已盡咗力演出,覺得提名已經好足夠,心滿意足,而我呢個角色發揮空間始終有限,所以冇信心攞獎。」

最想古天樂拎影帝

Hanna表示有份入圍的演員均是好演員,自己不會視他們為競爭對象:「因為我覺得能夠幫到香港電影界出一分力已經好開心,我好想之後一世都做電影!」她直言誰人奪得「最佳新演員」都沒所謂,自己反而希望電影入面的父親古天樂能夠奪得影帝:「喺片場係完全感受到佢嘅震攝力。最後好開心《貪狼》有9個提名,自己能夠參與呢套戲演出已經足夠,我自己拎唔到獎唔緊要,古天樂拎到就最好,同埋拎埋最佳電影喇!」

陳漢娜憑《殺破狼.貪狼 》入圍「最佳新演員」(網上圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟