羅仲謙玩緊都關心老婆 網民羨慕楊怡:你冇嫁錯佢

羅仲謙、楊怡(微博圖片)

藝人羅仲謙與楊怡於2016年10月結婚後,不時都在社交網大晒恩愛,而羅仲謙對楊怡的寵愛更是做到出晒面,除了自己的Instagram至今仍只關注老婆一人外,最近兩公婆去澳洲黃金海岸旅行,並且前往水上樂園玩樂,羅仲謙對楊怡的舉動讓人感覺Sweet到爆!

羅仲謙眼裏只得楊怡

事緣楊怡在社交網上傳一段玩水上滑梯的片段,並留言說:「有邊個好似我咁,又要驚又要玩的」片中見到楊怡及羅仲謙於兩條滑梯滑下來,滑得較快的羅仲謙於途中都不忘回望在旁邊滑道的老婆,而他滑完後第一件事就是回頭望住等老婆到達,見到老婆伴隨住尖叫聲安全到達,他都不禁笑到見牙唔見眼,簡直充滿住濃濃的愛意!

羅仲謙玩緊都不忘留意住楊怡(影片截圖)
見到楊怡安全到達後,羅仲謙笑得幾開心(影片截圖)

不少網民留意到羅仲謙這個微小卻Sweet爆的舉動,都紛紛大讚他好男人:「Himhim 眼中只有你」、「謙謙好緊張你呀~ 」、「你老公周不時望你!睇下(吓)佢幾緊張你!係呢d(啲)細節位就睇得出你無(冇)嫁錯佢了」、「Him 老公很貼心,一路滑去的时候都回頭看看老婆….」

羅仲謙至今都淨係Follow楊怡一個
分享: