【百萬富翁】做人切忌太有自信!林作重現陳芷菁當年悲劇

亞視永恆!日前亞視正式「復活」,其重點節目《百萬富翁》亦再次推出,講起《百萬富翁》,相信不少人都會記得一個經典場面,就是當年陳芷菁面對一條「哪一部不是莎士比亞四大悲劇」時,充滿自信講出答案,並直言:「我讀drama㗎!」她的拍檔鄧光榮更講了句:「啱㗎啦,拍定手先啦!」誰知最後答錯,陳芷菁嚇到彈一彈兼反問:「吓!點解呀?」

陳芷菁呢一幕真係可以講一世(影片截圖)

林作衰太有自信

由於陳芷菁超「自信」的表現,令這一幕在網上一直成為被恥笑的片段,甚至流傳至今,有網民更笑言「X到唔敢睇」,不過到了新一輯《百萬富翁》,似乎有人可以頂替陳芷菁。事緣林作與崔碧珈參與節目,其中一條問到「哪一年英國公投決定脫離歐盟展開分手費談判?」,林作看畢問題後自信100%般跟崔碧珈表示:「呢層我哋攬吓先啦不如,因為呢條我識答!」之後直言:「係D嘅志雲哥!」結果宣布他們答錯的一刻,崔碧珈驚訝得O咀尖叫,更邊打林作邊問:「喂係咪玩嘢啊?」至於林作亦只能尷尬傻笑,正所謂做人切忌太有自信,林作今次有望成為陳芷菁的接班人喇!

林作睇完題目已經充滿自信同崔碧珈講攬吓先(影片截圖)
點知原來答錯,搞到崔碧珈都O晒咀(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟