【咖啡醒神全餐】咖啡兜頭淋 謝安琪:濕到入底底

謝安琪(Instagram圖片)

歌手謝安琪(Kay)向來喜歡在社交網分享生活點滴,今日(29號)她亦不例外,在社交網以《咖啡色的人》為題撰文,分享一個充滿「戲劇性」的經歷。

倒瀉咖啡底底都濕埋

Kay在留言中表示今早為老公張繼聰整好早餐兼送他出門後,自己都整早餐諗住歎一歎,誰知竟然發生意外,倒瀉咖啡搞到底褲都濕埋:「一早起身幫張生整完早餐,送佢出門口之後,自己都整返份早餐,黎(嚟)個金絲雀feel,坐係(喺)窗門邊慢慢嘆(歎),自以為悠然自得之際,唔小心倒瀉左(咗)杯凍咖啡+Protein Shake!可能天氣太凍定唔知乜,又或者係我性格太悠閑(閒),啲咖啡濕到入去底底,我先至扶得返(番)正隻杯。」她更表示今次倒瀉咖啡並非一般倒瀉少系,而是整張舒服椅及附近地下,以及自己整隻左腳,由大腿到小腿都是咖啡!

謝安琪勁論盡,一杯咖啡搞到由頭濕到落腳(Facebook圖片)

咖啡兜頭淋

大家看到這兒,可能已經戥Kay可惜,不過不幸的事情還未結束,Kay繼續寫道:「一向樂觀積極嘅我,一邊覺得好凍,一邊痞(踎)係(喺)地下抹,立下(吓)眼望吓杯咖啡仲有大約1/3杯,仲覺得好開心仲有少少可以飲,就係(喺)呢個時候,唔知係太開心定係抹得太投入,我個頭又撞到張枱仔,剩返(番)果(嗰)半杯仔咖啡,就係咁兜頭淋左(咗)落黎(嚟)!」一杯咖啡可以令Kay由頭濕到落腳,簡直是電視劇才會出現的情節,對於自己如此「幸運」,Kay都表示:「我諗連做咖啡師既(嘅)朋友,都好少會有由頭到腳都一陣咖啡味嘅經驗,其實我真係好鍾意飲咖啡,我好開心自己有一個咖啡色的人生。#我和咖啡有個約會 #咖啡色的大半身 #咖啡色的一生 #咖啡杯都企不穩 #咖啡因萬歲」雖然Kay分享不幸經歷,但一班網民都直言看到這戲劇性十足的故事,都忍不住笑了出來,更有網民講笑說:「原來咖啡唔洗飲落肚都會醒晒!」

謝安琪Facebook留言
分享: