窒陳百祥出事?傳陸永於後台被照肺

無綫《萬千星輝頒獎典禮2017》昨晚(21號)圓滿結束,所有獎項塵埃落定,然而不少網民對於賽果表示不滿,同時更有一個小插曲受到網民熱烈討論,事件的主角正是主持之一的陸永!

寸陳百祥謙虛嗰方面好囂張

其實陸永昨晚的表現實在不如以往出色,他先將劇名《踩過界》講成《誇過界》,其後又將鮑姐讀成「Bell姐」,搞到鄭裕玲都忍不住拎咪扮打陸永。雖然陸永不斷失誤,但亦能帶起氣氛,直到陸永及C君一同與陳百祥頒發「最佳非戲劇組節目」時,陳百祥笑指自己比較謙虛及和藹,叫他們不用好像很害怕一樣,誰知陸永可能為節目效果一句窒埋去話:「你係謙虛嗰方面都好囂張喎!」陳百祥隨即反駁:「囂張得過你,將人哋個節目改名。吓,我哋誇世代咁講。」陸永也馬上補飛指自己錯了少少,陳百祥就表示:「嗰啲唔係錯,係玩吓!」

陸永當眾窒陳百祥(影片截圖)
陳百祥被指黑面(影片截圖)

傳陸永後台被照肺

雖然整個部份看似沒有問題發生,但有眼利的網民發現陸永之後一直表現得悶悶不樂,當鄭裕玲問陸永「你做咩咁擔心?」陸永表示:「我唔敢講,我講錯劇集名幾次,我唔好講嘢好啲。」對於陸永的反常,有網民在討論區指有傳陸永寸完陳百祥後在後台被照肺,更傳出有高層要陸永立即落場,甚至指中途有高層離席疑似去拆局,該網民更聲稱鄭裕玲當時勸導完騷再處理,不禁令網民猜測陸永是否衰多口得罪陳百祥。

陸永其後表現得悶悶不樂(影片截圖)
分享: