撐唐詩詠做視后 洪永城:你係我心目中嘅最佳女主角

藝人唐詩詠及洪永城自去年分手後,不時傳出兩人復合的消息,最近更有傳媒影到兩人鬼祟撐枱腳食飯,疑似復合!其後唐詩詠接受傳媒訪問時,則表示對於復合抱隨緣的態度。

唐詩詠、洪永城(社交網圖片)

網民求復合

未知兩人是否復合有望,洪永城亦不再避忌公開撐唐詩詠。適逢唐詩詠憑劇集《不懂撒嬌的女人》入圍《萬千星輝頒獎典禮2017》的最佳女主角,洪永城於社交網上傳一張投票給唐詩詠的截圖,更感性表示對方是自己心目中的最佳女主角,他留言說:「記得曾經問過你,如果你攞最佳女主角,你會講啲咩?你話:有機會攞先算啦。今年終於到你。有樣嘢非常之佩服你,喺劇組咁多年,我從來未聽過一個人講你壞話,只聽到詩詠好、詩詠得、詩詠無得頂,淨係呢個原因你都至少攞個最佳人緣獎啦。當然你點會剩係得呢個奬咁簡單,見到你每次開劇之前角色上嘅準備工夫,令自己投入狀態,而在劇拍攝中無論自己生活中在幾多嘅情緒,你都保持在那狀態之中,你係我心目中嘅最佳女主角,咁多年嘅努力,希望今次你得。」不少網民都被洪永城這段留言所感動,紛紛表示希望兩人能夠復合。

洪永城Instagram留言
唐詩詠憑劇集《不懂撒嬌的女人》角逐視后(資料圖片)
洪永城公開撐唐詩詠(Facebook圖片)
分享: