【好Mean呀】米雪力數王浩信「十個無」 李司棋嬲到火都嚟

台慶劇《溏心風暴3》劇情主要圍繞許、黃兩家人的恩怨,兩家人(除了夏雨同李國麟)無論在公司或私下相處都可以說互看對方不順眼,不時都會互相對罵,尤其是兩家人的女人嗌交起來都並非惹小!

米雪踩王浩信「十個無」

昨晚(3號)一集講到許家約了黃家打波,希望可以修補兩家關係,好讓要求分拆時能夠順利,豈料當李司棋去洗手間時,米雪發現女兒岑麗香正與王浩信在一起為義工隊開會,隨即深感不滿,她向來嫌棄黃家出身草根,亦看不起他們,故此極反對女兒與王浩信拍拖,相反「細許太」莊思敏就覺得王浩信及岑麗香頗相襯,米雪即極大反應反駁,更直指王浩信有「十個冇」,包括無學歷、無本事、無品味、無修養、無風度、無內涵、無人脈、無地位、無遠見、無家教!哇,真係Mean到一個點呀!

米雪力數王浩信「十個無」,點知畀李司棋聽到晒(影片截圖)

豈料一切都被李司棋聽得一清二楚,自己兒子被如此數落,李司棋即刻火都嚟,連珠炮發反擊,更直言:「你咁鍾意數,我畀你慢慢數,你只要數出一樣,我即刻親手打電話報警拉佢,一係我喺你面前吊高佢嚟打,打到你嗌停為止,你數呀!」米雪被李司棋當眾大罵,搞到一粒聲都出唔到,李司棋還繼續大鬧:「我講畀你聽呀,人係無分高低貴賤,你都唔係高高在上,你對腳同我哋一樣踩咗喺個地下度,只不過你對眼就生咗喺頭殼頂,我真係唔知話你應該睇眼科好定腦科好。」就算之後米雪道歉也無法消除李司棋的憤怒,直至夏雨扮不舒服才暫時解決事件。

李司棋嬲到起勢鬧米雪(影片截圖)
米雪畀李司棋鬧到冇聲出,講埋Sorry都唔掂(影片截圖)
分享: