其他人嫌林師傑唔夠好?歐陽巧瑩發長文撐男友

藝人林師傑向拍拖三年的女友歐陽巧瑩求婚成功,真係恭喜晒!今日(3號)歐陽巧瑩在社交網留言,透露連日來忙於工作,直到今日才有時間回覆朋友所有的留言,她更Sweet爆表示:「我一定會幸福快樂 因為我已經搵到我嘅世界。」

為林師傑護航

雖然歐陽巧瑩獲得不少的祝福,但仍有一些人因林師傑形象麻麻而替她擔心,她亦借此為男友護航,她留言說:「第一:我嘅另一半係好係壞,我相信 我一定比你清楚,因為你只係一個陌生人,有乜資格 去批評同判定人?第二:有朋友同我講『點解唔搵個好啲呀』『You deserve better』 除咗冷笑之外,我畀唔到反應。一個人孝順與否,唔係取決佢有冇成日post家庭照。一個人工作勤力與否,唔係取決於佢每日都出幾post話自己做嘢要比(畀)心機。一個人心地好唔好,唔係取決於佢出post 話自己扶阿婆過馬路又或者餵流浪貓狗。」

同時歐陽巧瑩直言每人都值得擁有選擇的權利:「你可以選擇留喺網絡世界度,去認識 去欣賞一個人(即使你所欣賞嘅,都有可能只係包裝),不過我就會選擇用真心 用時間去了解去認識一個人。」

(Instagram圖片)
歐陽巧瑩Instagram留言
分享: