十優港姐都係普通人 麥明詩自爆對住阿媽講粗口

J2節目《後生仔傾吓偈》在最新一集探討火星文以及粗口文化,提到粗口,幾乎在場的KOL都表示講過,至於作為「十優港姐」的麥明詩原來都有講粗口,仲試過對住阿媽講添!

麥明詩:關我X事

麥明詩表示:「有次同媽咪好熱烈咁溝通嘅時候,唔小心就攝咗一個字落去,其實我唔係用粗口嚟鬧人,我只不過話『關我X事』。」她透露當時媽媽非常憤怒兼嚴肅,質問為何用粗口鬧媽媽,她亦只能不斷解釋並非想用粗口鬧媽媽,只是不小心加了一個粗口做連接詞。同時她又發表對粗口的看法:「有時用咁多粗口,證明你係詞窮,你諗唔到點形容咪乜都用嗰個字代替,但其實等於你係解釋唔到件事。」

麥明詩試過唔小心對住阿媽講「關我X事」(影片截圖)
搞到麥明詩不斷同阿媽解釋唔係用粗口鬧佢(影片截圖)
分享: