率「仁美清叙」美女拍慈善月曆 程瑤呻各有各忙最難夾時間

「仁美清叙」主席程瑤日前率領14位會員如馮雪冰、張珮汶(前名︰張家瑩)等,拍攝慈善月曆,並以四季做主題,帶出做善事無分時間,一年四季也可行善的概念,藉此呼籲更多人可以為慈善出力。

呻最難夾時間

程瑤表示:「除咗帶出行善訊息外,亦想大家愛護香港,香港屬於亞熱帶氣候,係一個四季分明嘅城市,大家只要愛護環境,令香港一年四季都繼續保持美麗。」今次她們拍攝慈善月曆,從服裝、造型、化妝及攝影等都獲不少公司義助,齊為慈善出力。不過因為「仁美」一班亞姐現身在不同電視台或機構工作,程瑤坦言要夾大家時間是最大難度:「加上我近年尾都有好多活動製作,公司又接咗出年去曼谷及莫斯科等地嘅大型活動,所以喺統籌大家嘅時間上都好唔容易。」

左起:馮雪冰、張珮汶、程瑤、楊光

提到過往一些為人熟悉的臉孔如羅霖、黎燕珊等都轉到無綫,故未能參與拍攝,程瑤直言不覺可惜︰「真心恭喜佢哋就真,亞姐就好似一間名校,雖然呢間名校已經停辦,但畢業生能夠各有發展,我都戥佢哋高興!」至於問到新一年會否再同亞視合作?她就表示珍惜與每間機構及藝人的合作機會:「最重要係大家支持我哋繼續行善,任何電視台我哋都歡迎合作。」

左起︰陳綺明、陳麗文、黎嘉韻、饒佩君
左起︰張加慧、孟丹珏、吳夢婷
左起︰王瑋、黃景珍、盧曉琳、Mancey
分享: