接棒做《百萬富翁》 陳志雲:6,500萬現金準備好!

亞洲電視數碼廣播今日(18號)舉行「亞洲電視數碼媒體有限公司」成立典禮, 並宣布推出「ATV亞洲電視App」,同時將用OTT數碼媒體網絡形式轉播。記招上亦公布不少亞視將會推出的新節目,其中最受關注的當然是《百萬富翁2018》,而主持人陳志雲亦上台公布詳情。

準備6,500萬現金

陳志雲表示:「我好高興有機會主持《百萬富翁2018》,2018年係《百萬富翁》呢個節目推出20周年,喺全球超過160個城市同國家係屢創佳績,亦適逢係20周年,各地同業都用最新嘅科技包裝《百萬富翁》,令佢再上另一個新高峰。」作為亞視焦點節目,司儀曾華倩問到今次獎金會有幾多?陳志雲直言:「唔使驚,今次高層唔需要拎個篋出嚟喇,6,500萬嘅現金準備好㗎喇,你有本事咪每集攞走100萬囉。」之後曾華倩問道同事的家屬能否參加?陳志雲表示:「冇話唔可以喎,只要我做人公正公開,透明嘅咪得囉,你同我又冇親戚關係,你都參加得㗎!」

陳志雲表示已準備好6500萬現金(影片截圖)
分享: