工作臨時取消 麥長青臨急搵老友賀入「五」

麥長青(麥包)今日(18號)踏入人生第五個十年,昨晚難得與太太、仔女以及一班圈中好友,包括陳豪、陳茵媺、楊怡、黎芷珊與錢國偉等慶祝50大壽。麥包透露往年生日大多跟屋企人食飯慶祝,原本今年亦不例外,但因太太一句說話而倉卒地成就了今次生日派對:「原本以為要開工但臨時取消咗,加上太太話50歲點都要搞吓慶祝活動,於是好倉卒咁搞咗今次生日派對,臨時臨急約一班朋友,好開心有咁多朋友賞面,雖然有啲朋友因為開工嚟唔到,但我心裏面好感謝各位朋友嘅祝福。」

麥長青獲圈中好友與他慶生

活在當下

麥包自言五十而知天命,他慨嘆今年身邊有朋友離世,亦有朋友因價值觀不同而疏遠或分道揚鑣:「其實人生好似列車咁,有人上車、落車、轉車,每個人終點站唔同,但最終都係要落車,呢個係人生必經階段,我到咗人生50歲,會更珍惜身邊擁有嘅一切、活在當下,唔會刻意強求,感恩所有留喺自己身邊、支持自己嘅人。」

家人在身邊已是最好的生日禮物

至於提到生日願望,他則認為最重要是家人及自己身體健康,自己日日有工開:「阿囡話我係搵錢嘅奴隸獸,佢話我嘅價值係開工搵錢供養佢哋,等佢哋大個之後供養番我,我都好期待自己退休等佢哋養我。」問到子女有否送生日禮物給他?他笑言暫時未收到,但只要太太及仔女在身邊,已是最好的生日禮物。

麥長青認為家人在身邊已是最好的生日禮物
分享: