新亞視開台 吳雨同亞視有淵源:見麗的三次都唔請

亞視永恆!亞洲電視數碼廣播今日(18號)舉行「亞洲電視數碼媒體有限公司」成立典禮,並宣布推出「ATV亞洲電視App」,預計明年1月29日正式開台。

至於亞洲電視行政總裁吳雨致辭時,表示自己同亞視甚有淵源:「係幾十年前,我當時試過3次去麗的電視(亞視前身)見工,但3次都唔請我,唔知係好事定唔好事喇,我兩次見PA,第三次就見場務員,當時由1000蚊減到500蚊佢都唔請,唔知係咪樣衰,我都唔明個原因,但終於今日明喇,原來個天係要我等幾十年,要考驗我嘅信心、耐心、忠誠,今日終於打到呢份工!」

明年1月29日開台

吳雨透露上星期二亞視獲法院批准重組成功,並用OTT數碼媒體網絡形式的轉播:「即係話第日用機頂盒就可以睇到我哋亞洲電視,通過機頂盒喺電視、手機、平板電腦都可以欣賞到。呢個已經係大勢所趨,傳統電視的盈利一直下降,『觀眾』我覺得今日已經唔存在,因為傳統電視係要按時按刻畀電視台支配,但OTT唔需要,係用戶話事!今日喺亞視正式成立,亦係我哋ATV apps啟播、試播,我哋將會喺1月29號正式啟動OTT,到時我哋會設有免費直播頻道24小時廣播,叫做亞視A1台,亦會有VOD點播區,付費就可以點播你喜愛嘅電影電視劇集、音樂、兒童節目、綜藝節目。」

分享: