同農夫互窒效果好正?鄭裕玲同曾志偉陳百祥鬥嘴仲經典

由鄭裕玲(Do姐)領軍的旅遊節目《Do姐再Shopping》自播出以來大受歡迎,其中Do姐與農夫互窒更成節目一大亮點!觀眾現在喜歡觀看Do姐農夫這個組合,但早在2002年Do姐跟另外兩個主持的合作也深受觀眾支持,所講的正是Do姐與曾志偉及陳百祥(阿叻)這個組合。

互串火花十足

日前無綫的官方YouTube Channel上傳一段2002年度香港小姐競選決賽的泳裝環節片段,片中甫開始先有佳麗嘉碧儀被阿叻要求說服Do姐着三點式,嘉碧儀就表示若Do姐一同着三點式的話就如同幫佳麗們打氣,豈料曾志偉爆了句Do姐着的話會顯得佳麗更靚,之後嘉碧儀就表示由兩位男士着的話會嚇死觀眾,Do姐即反擊說:「唔想嚇死啲觀眾呀!唔係嚇到人哋唔睇,嚇死咗添呀!」而曾志偉則回應說:「DoDo唔着(三點式)嘅原因係佢依家都仲可以冚住啲比較上難睇嘅部位,一着咗三點式就表現晒出嚟,就真係嚇死啲觀眾!」互相之間簡直充滿火花!

三個司儀互窒充滿火花(影片截圖)

至於另一位佳麗保采芬就被問到Do姐着什麼衫會令觀眾認為「有冇搞錯」時,保采芬認為是Do姐着得少布,阿叻隨即說:「即係你覺得佢冇身材,一少布就遮唔到。」保采芬即補鑊指Do姐沒需要着得少布已知其美貌,曾志偉再補多刀說:「唔係,係有冇搞錯,咁難睇都着咁少布咁解呀!」最後問到Do姐着什麼衫會令觀眾噴鼻血,豈料保采芬爆出「應該係冇着衫」!曾志偉即搞笑扮作嘔,Do姐也不禁直言叫佢企遠啲,最後更扮摑曾志偉,相當搞笑!

鄭裕玲忍唔住扮摑曾志偉(影片截圖)
分享: