母女檔開工 囡囡遺傳鍾嘉欣演藝細胞

久未在螢幕露面的藝人鍾嘉欣(Linda),近年雖以湊女為樂,但亦不忘演藝事業,日前她帶同16個月大的囡囡Kelly到香港主題樂園拍攝聖誕特輯,兩母女首度同場演出,Linda都直言機會難得:「呢度係我哋全家最鍾意嘅地方,好多時我帶Kelly嚟呢度,佢都好鍾意啲公仔,玩到唔捨得走,所以我同老公都覺得今次拍呢個特輯係個好機會,畀我同囡囡留下一個美好、溫馨嘅回憶。」

鍾嘉欣話今次係個難得機會畀佢同囡囡有美好回憶

母女檔開工零壓力

雖然Linda在鏡頭前大多時候要抱住Kelly,難免會有倦意,但她認為可以與囡囡留下這美麗回憶,再辛苦都值得:「今次一啲壓力都冇,拍攝心態係玩同享受,最緊要Kelly玩得開心,看到佢喺樂園笑得好開心個樣,我都好滿足。」她更坦言今次拍攝最珍貴是她與囡囡拍攝的片段,酬榮並不重要:「呢啲片段可以永恆保存,將來Kelly大個都可以睇返。」

鍾嘉欣話同個女拍嘢冇壓力

Kelly遺傳媽媽演藝細胞

只有16個大的Kelly比媽媽還要早「出道」,但面對鏡頭表現自然,不斷賣萌,年紀輕輕似乎已遺傳了媽媽的演藝細胞。而當日拍攝5小時入面,Kelly全程表現亢奮,吹肥皂泡之餘,又與Linda 一齊寫「心願明信片」寄給爸爸,期間Kelly流露出天真、可愛的性情,開心得在地上蹦蹦跳,認真sweet到爆。此外特輯也流露出兩人溫馨的母女情,其中一幕講到Kelly餵媽媽食爆谷,豈料導演叫Cut後,Kelly仍不斷將爆谷塞落嘉欣的嘴裡,Kelly停不了手,嘉欣就停不了口,十分惹笑。對於囡囡的表現,Linda也表示:「其實拍攝初期Kelly有啲怕醜,可能佢見好多工作人員圍住佢,又有大型拍攝器材對住佢,所以唔太習慣,需要慢慢Warm up。」

Kelly係咁塞爆谷畀鍾嘉欣
兩母女玩得幾開心
分享: