擲千萬身家投資活髮中心 苑瓊丹:我已經破產喇!

藝人苑瓊丹(苑仔)近年決意從商大展拳腳,傾盡千萬身家投資活髮中心,昨日(13日)她現身佐敦總店為自家品牌拍攝廣告,並透露已投資8位數申請活髮產品的專利權:「我已經破產喇,之前拍劇賺返嚟嘅錢都擺晒落呢盤生意度,今次仲落咗好多無綫廣告,喺無綫賺落嘅錢都畀返晒佢哋喇,我正式宣布依家窮到燶,所以各位朋友唔好再搵我打麻雀,我只會有拖有欠。」

苑瓊丹表示投資8位數申請活髮產品的專利權

苑仔坦言自小頭髮較為稀薄,曾試過多款生髮產品也藥石無靈,但一年前開試用這款活髮產品後便明顯見效:「投資產品就好似嫁老公咁,一定要個靠得住,自從試完呢隻產品後,我覺得終於搵到自己嘅 Mr.Right,就決定掟晒成副身家落去做。」

苑瓊丹叫大家唔好搵佢打麻雀

重返無綫拍劇

另外苑仔講到早前亞視及ViuTV曾向她招手拍節目,但她決定將「清白之身」留給無綫:「因為早喺亞視復活前已經同無綫簽咗約,所以推晒其他台嘅工作,始終都係一個尊重。已經有三年冇拍無綫劇,下年四月就開工,同張兆輝、鄭則仕合作。」

苑瓊丹透露明年回無綫拍劇
苑瓊丹
分享: