蕭正楠「硬」得濟 鄭裕玲忍唔住鬧爆

由鄭裕玲(Do姐)主持的節目《Do姐再Shopping》眨眼就來到最後一站意大利,今站繼續有農夫之餘,還有新成員蕭正楠加入,不少觀眾都期待他們能夠擦出什麼火花!

而無綫官方Facebook專頁昨日(11號)上傳一段Do姐教農夫同蕭正楠做瑜伽動作的片段。有睇過日本篇的觀眾,應該都見識過農夫啲筋有幾「軟」,點知原來一山還有一山高,當Do姐要他們三人做一個腳繑腳再手繑手的動作,陸永都算是比較成功的一個,相反C君同蕭正楠就做到一仆一碌,企都企唔穩,仲要得個講字,搞到Do姐都不禁直言:「唔好廢噏,正正式式做一次畀我睇!」

鄭裕玲做得幾正宗(影片截圖)
三個之中得陸永做得比較好(影片截圖)

蕭正楠啲筋硬得濟

Do姐出到聲,三個當然乖乖擺出瑜伽動作,不過蕭正楠遲遲都未有做動作,搞到Do姐火都嚟埋,指住蕭正楠話:「你都未做過!」蕭正楠最後都嘗試做那動作,豈料他的筋是非一般的硬,C君也不禁直言:「哇!我搵到有人衰過我!」最後Do姐都只好放棄說:「係咁啦,哎呀!全失敗呀!」她還「罕有」稱讚陸永做得好添,陸永終於威返一次!

蕭正楠掛住笑,搞到鄭裕玲忍唔到鬧佢(影片截圖)
點知蕭正楠啲筋太硬做唔到(影片截圖)
分享: