【語出驚人】吳若希分享點代入歌曲:幻想自己死老公

歌手吳若希(Jinny)早前正式產後復出,甫復出已在不同劇集的主題曲或插曲聽到她的歌曲,而最近Jinny則忙於為劇集《那年花開月正圓》的主題曲《你在我心間》宣傳,其中一個宣傳渠道當然是上《勁歌金曲》!

唱歌方面比以前易控制

Jinny在節目中除了演唱歌曲兼介紹歌曲的故事外,當中主持人亦問到這首歌作為她復出後的第一首歌,錄音時會否不習慣?她則表示:「都隔咗成年先至入錄音室,今次入錄音室之前都有少少緊張,但係比我想像中易控制咗,可能真係休息得比較好,所以我覺得自己喺唱歌方面反而容易控制,同埋自己依家身份唔同咗,唱歌對我壓力好似冇咁大,反而更加收放自如咗。」

錄個音啫…使唔使要死老公(影片截圖)

幻想自己新婚嘅時候死老公

Jinny認為自己唱歌方面比以前有進步,主持人便問到她錄音時如何代入歌曲中,豈料Jinny竟然直言:「幻想自己新婚嘅時候死老公!」她說畢後也尷尬得只得大笑,至於兩個主持亦不懂如何給反應只能陪笑,最後才打圓場說:「希望你先生唔知道啦。」其實Jinny今年10月才與男友Alex簽字結婚,之後仲Sweet爆去歐洲影結婚相,不過今次Jinny為了錄歌竟然幻想死老公,真係大吉利是!

主持人都唔知畀乜反應好(影片截圖)
Alex聽到唔知會點呢?(Instagram圖片)
分享: