搞選美比賽利潤達千萬 何紫綸圓兒時選美夢

名模何紫綸(Ann)近年除了幕前演出外,同時兼顧幕後工作,與拍檔開設製作公司。近日其公司成功以七位數字投得「亞洲太平洲國際小姐 Miss Asia Pacific International 」香港中國澳門三個賽區,連續5年的主辦權,她透露屆時選出的中國小姐將出征菲律賓參選世界賽,而整體賽事歷時半年以上,整合推廣後利潤可達千萬。

今次Ann還會擔任該選美大賽的形象總監,日前她特意前往菲律賓賽區親身體驗國際級的選舉,希望為下年公司主辦的賽事吸取經驗,她表示:「以前我都有參與策劃選美比賽嘅經驗,過去10年我都不斷為選美賽事做培訓同評審,而今次去菲律賓親身體驗國際級嘅選舉感覺好高興,最重要係見到唔同地區嘅佳麗表現非常出色,大開眼界。」

何紫綸日前前往菲律賓賽區親身體驗國際級選舉,以吸取經驗

搞選美還兒時想參加選美的心願

Ann表示今次菲律賓之旅獲益良多,同時感謝選美主席熱情招待:「主席對我哋好細心,我好感恩,因為為咗呢個項目已經籌備咗好長時間,當同選美會主席見面商談同得到主辦證書,呢一刻好感動,因為細個想參加選美但一直冇去做,所以依家搞選美算係還我嘅心願,證明努力冇白費,畀我更大嘅動力去發展更多大型項目。」

何紫綸坦言今次搞選美,是還了以前想選美的心願
分享: