有眼不識張露!陸永幫張露改花名

鄭裕玲(Do姐)主持的旅遊節目《Do姐再Shopping》,繼續帶領住農夫及黃翠如遊日本,昨日(11月30號)一集講到他們前往一間賣黑膠唱片的店舖,當中更發現原來店舖都有香港的黑膠唱片!

「張露」變「春張露」

期間陸永指住一隻寫住「有了愛人四季春張露」的黑膠碟問:「邊個係春張露?」鄭裕玲就回答:「呢個係張露姐姐,你識唔識得一個演員同歌手叫杜德偉呀?呢個就係佢媽咪。人哋唔係姓『春』,人哋叫『張露』!」原來陸永將唱片名字與張露的名字拼在一起,誤以為隻唱片叫「有了愛人四季」,而個歌手叫「春張露」,陸永都不禁為自己「辯護」說:「以前冇標點符號你唔怪得我喎,好容易睇到係『春張露』㗎喎!」至於C君則同陸永講:「你呢啲喺現代生活嘅人唔識㗎喇!」好抵死般趁機寸Do姐老,Do姐即刻反問:「你咩意思呀?道歉!」不過C君就並非對住Do姐道歉,而是對住隻黑膠碟說:「對唔住呀春張露。」

陸永將「張露」睇咗做「春張露」(影片截圖)
鄭裕玲解釋返人哋叫「張露」(影片截圖)
C君轉個彎寸鄭裕玲老(影片截圖)
鄭裕玲要C君道歉,C君竟然同隻黑膠碟道歉(影片截圖)

C君跳「鈣質舞」

之後他們站在一旁聽黑膠碟,Do姐更不禁隨旋律擺動,農夫及黃翠如也跟着擺動,不過眾人的「舞蹈」有點意義不明,C君都忍唔住問:「咩意思呀Do姐?」當Do姐表示是律動時,C君再次唔怕死說:「我唔跳呢啲,我跳你嗰啲好有鈣質嗰啲。」仲即場表演「鈣質舞」,連Do姐都跟住跳埋一份,相當搞笑!

鄭裕玲聽到音樂忍唔住跳舞,其他人又跟住跳(影片截圖)
C君話佢自己跳「鈣質舞」(影片截圖)
分享: