烈日下暴曬拍廣告 陳漢娜慣晒唔覺辛苦

憑電影《殺破狼.貪狼》中,飾演古天樂女兒而彈出的陳漢娜(Hanna)最近成為影壇新貴,繼早前參與火火執導的電影《奇幻民宿》後,又將客串鄭保瑞執導的新戲《智齒》,以及擔正演出由李卓斌執導、邱禮濤監製的《G殺》,還與任贀齊合作拍攝《隧道大逃殺》!

試過夏天着厚冬天衫拍廣告

電影邀約不斷的Hanna,近期更成為廣告商寵兒,先後接拍服裝、飾物品牌等廣告,早前她則為相機品牌拍攝全新一輯廣告。為了今次廣告,Hanna需要在災熱天氣下危坐一樓高平台曝曬近四小時,還要於滿布蚊子的叢林取景,難怪Hanna拍到又痕又癢,兼且大汗疊細汗,不過她卻坦言不辛苦:「雖然天氣好曬,但經常拍廣告都係咁,都習慣晒,今日可以着短袖衫已經係好好,之前最辛苦試過夏天要着厚厚嘅冬天衫拍廣告,仲要影足全日,相比嗰次拍攝,今次舒服得多。」

陳漢娜要喺一樓高平台危坐曝曬4個鐘都咪話唔辛苦
不過佢就唔覺辛苦

今次Hanna在廣告中化身「攝影女郎」,但現實生活中自嘲是「宅女一族」的她原來對攝影亦有濃厚興趣:「我係好『宅』,平時鍾意喺屋企睇書、畫畫,唯一鍾意出街就係影相,由細到大我都有玩開攝影,我鍾意影菲林機,大學時候因為主修廣告設計,更是經常接觸影相,所以攝影對我嚟講冇難度。」

陳漢娜仲要喺滿布蚊子嘅叢林取景
搞到成個人又痕又癢
陳漢娜
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟