陸永完美模仿鄭裕玲 真·Do姐睇到拍晒手

每年無綫《萬千星輝賀台慶》最叫人期待的環節,都是一班藝人演出搞笑趣劇,而今年的趣劇主題則是「50周年藝員訓練班面試日」,一眾藝人搞笑模仿不少明星,其中農夫的陸永及C君則分別模仿鄭裕玲(DoDo)及曾志偉,兩人倒模般的演出贏盡眾人的掌聲。

農夫一出場已引起不少笑聲(影片截圖)

陸永神複製Do姐

其中陸永甫出場時已引起不少笑聲,而他的動作及神態均似足Do姐,搞到在旁的Do姐都不禁叉晒腰又指住陸永,而曾志偉更說:「我就唔係好知你扮邊個,但你個身形同身材好似Do姐喎!」頓時搞到真·Do姐哭笑不得,而陸永立即回了一句:「低級!」

鄭裕玲睇到叉晒腰(影片截圖)
陸永好似鄭裕玲(影片截圖)

網民激讚

至於C君則模仿了曾志偉在獎門人時,常以「打和」來決定結果的主持風格,Chok埋曾志偉把聲大講「打和」,搞到曾志偉都忍唔住一嘢打落C君塊面,C君立即用普通話講了句:「不要打我!」非常搞笑,最後曾志偉趕兩人走的時候,陸永更爆了一句Do姐的口頭禪說:「好鬼低級㗎你幾隻嘢!」Do姐都馬上點晒頭兼拍晒手,看來對於陸永的模仿非常滿意!至於一班網民直言陸永模仿鄭裕玲是全晚最好笑的部份,認為他完美演繹了Do姐的神髓,更笑指陸永最後那句「好鬼低級㗎你幾隻嘢!」最為神似!

C君就惡搞曾志偉嘅「打和」(影片截圖)
曾志偉都忍唔住打C君(影片截圖)
鄭裕玲拍晒手掌(影片截圖)
分享: