【誇世代】惡搞無綫膠劇 陳豪學《叛逃》關禮傑跳天台差啲跌死

台慶劇《誇世代》最近熱播,叫得「誇」世代,情節自然夠誇張搞笑,而今次劇集更向以往無綫的膠劇「致敬」!

張繼聰叫陳豪跳過對面天台,仲話好近一檻就過(影片截圖)

惡搞關禮傑跳天台

在昨晚(16號)播出的一集,講到陳豪被追殺,歐陽震華及張繼聰就帶陳豪跑上天台,然後張繼聰叫陳豪跳過對面天台離開,仲話:「好近㗎咋,一檻就過㗎喇。」等等!呢個情節咁熟嘅,咁似關禮傑於《叛逃》中憑助跑就輕易跳到對面大廈的「神」技?沒錯,陳豪就係施展同一樣的「絕技」,他起步前張繼聰更直言:「當正自己關禮傑咁樣。」抽水抽到盡!

關禮傑(影片截圖)
關禮傑曾在《叛逃》施展跳天台的「神」技(影片截圖)

陳豪學關禮傑不成

然後陳豪就相信兩人的說法,並開始起步,此時鏡頭以慢動作播放,配合歐陽震華及張繼聰的打氣,彷彿在進行什麼盛大的事件一樣,最後陳豪一躍而起,正當大家以為陳豪可以關禮傑上身的時候,他只跳到兩棟樓中間就成個人跌落街!歐陽震華及張繼聰睇住陳豪跌咗落地都好驚訝,急急走到天台邊看,豈料發現原來兩棟樓相距甚遠,歐陽震華更直言:「你死喇,又話好近,原來成條彌敦道咁闊㗎!」不少網民都直言被這一幕笑到「標眼水」,看來無綫惡搞自己的膠劇的話,可能會引起更好的評價!

最後陳豪真係走去跳(影片截圖)
陳豪一躍而起,點知跳唔過仲跌埋落地(影片截圖)
歐陽震華仲話:「原來成條彌敦道咁闊㗎!」(影片截圖)
分享: