公然違反「限奶令」?林盛斌露點跳《狂野之城》

今年是無綫50周年,多年來無綫製作過多個精彩節目,其中《歡樂今宵》更是經典中的經典。有見及此,無綫特意推出《我愛EYT》,向《歡樂今宵》致敬,雖然擺明炒冷飯,但節目中的扮嘢環節也確實能引人發笑。

違反「限奶令」

昨日(15號)播出的一集請來一班《老表,畢業喇!》的演員坐陣,其中泰臣、陳明恩、小寶陳嘉佳、吳沚默、林盛斌(Bob)施展渾身解數扮嘢演出。到了阿Bob出場前,王祖藍更笑言:「呢個重頭喇,係違反今日(昨日)『限奶令』嘅一個演出,就係『郭阿王』嘅《狂野之城》。」

阿Bob露點演出

到了阿Bob出場一刻,見到他戴上閃閃帽,配上藍色底紅色花花熱褲,上身則有條類似T-back的東西擺在心口前,大騷兩點兼巨腩,在12名舞蹈員陪同下跳住演唱。雖然見到阿Bob落力跳舞,但他越落力跳,其肚腩、胸部及雙下巴也配合着彈吓彈吓,富有「動感」的同時亦叫人難以轉移視線,實在非常震撼!

林盛斌超性感演出(影片截圖)
好……震撼(影片截圖)

不過昨日才有報道指無綫發出工作守則,禁止女藝員賣弄性感及性感演出,如今阿Bob隨即露點表演,「公然」違反「限奶令」,唔知遲啲會唔會連男藝員都唔准有性感演出呢?

林盛斌呢個造型係咪違反咗「限奶令」?(Facebook圖片)
分享: