【後生仔傾吓偈】玩交友App 麥明詩教你三招睇清男仔

由陸浩明、麥明詩、馮盈盈主持的節目《後生仔傾吓偈》,每集都會與一班後生仔女討論不同的話題,今集就講到「上網的體驗」,並請來吳業坤代替缺席的馮盈盈做代班主持,各人在節目中都勾起當年使用ICQ、MSN、Xanga等回憶,相信唔少90後亦會有共鳴。

睇清男仔有三招

然而隨住時代的變遷,ICQ、MSN等相繼沒落,取而代之的是Whatsapp、交友App等等,期間吳業坤更踢爆麥明詩曾經玩過交友App!對於交友App,麥明詩認為其個人頭像甚有學問,更教大家如何睇清男仔:「第一要一張見到樣嘅,見唔到樣嘅我就知佢係樣衰;第二張呢就一定要係佢同佢班Friend,證明自己係有Friend、好動、外向嘅;第三張呢就一定要一張係做運動嘅,就要騷自己陽光,鍾意outdoor activities,最好最自然嘅係玩花式滑水,可以順勢唔着上身騷到肌,但又唔好刻意喺健身室嗰啲。」此外麥明詩亦指近年交友App發展比較成熟:「我聽講喺外國嗰啲人,如果佢哋唔係拍緊拖,只要係Single都會玩交友App,所以係絕對非常之普及。」

麥明詩覺得第一張相要見到樣(影片截圖)
第二張相要係同班朋友影(影片截圖)
麥明詩話運動相千祈唔好係好刻意喺健身室嗰啲(影片截圖)
分享: