陳凱琳自爆有未婚夫 鄭嘉穎話唔係佢?

藝人鄭嘉穎昨日為新錶發布會擔任模特兒,他認為手錶是男士的首飾,可以在不同活動佩戴不同款式手錶,以展示個人品味,他還透露自己現收藏逾廿多隻名錶,最貴的一隻價值六位數!

鄭嘉穎為新錶發布會擔任模特兒

未婚夫唔係我

對於早前女友陳凱琳在社交網的一條片中自爆有未婚夫,鄭嘉穎笑言:「係咪我?佢講吓笑啫,希望佢係講笑,因為未婚夫唔係我。」問到兩人是否已訂婚?他則認為可以刪去這個程序,皆因別人訂婚因某些原因未能結婚才先訂婚,故此覺得沒有訂婚的需要,但他表示暫時未有消息,同時他又否認女友恨嫁,認為對方在開玩笑。

鄭嘉穎指自己唔係「未婚夫」

結婚係一個儀式

問到鄭嘉穎聽到女友叫老公是否會更開心?他表示:「呢個只係一個稱呼,結婚係一個儀式,最重要係兩個人嘅關係,結婚都可以離婚(你哋超越咗婚紙關係?)關係好好。」

鄭嘉穎、陳凱琳(Instagram圖)
分享: