處女劇演女同志 陳漢娜爆同女演員咀嘴冇感覺

藝人陳漢娜(Hanna)早前憑住電影《殺破狼.貪狼》,飾演古天樂女兒而成功突圍,成為影壇樂壇,近日她還踩入電視圈,與陳國邦、吳浣儀、徐肇平與RubberBand成員6號(繆浩昌)等合作拍攝ViuTV新劇《身後事務所》。

與拍戲感覺截然不同

對於首次拍劇,Hanna直言感覺與拍戲截然不同,尤其是製作上,電視劇的節奏、流程都比電影緊密,問到會否感不習慣?她則認為不會:「演方面冇大分別,只係流程太緊密,可能全日精神會比較緊繃,集中喺角色入面。」

陳漢娜劇中與吳浣儀在火葬場相擁痛哭

今次Hanna在新劇除了要飾演女同性戀者外,還要跟兩位好戲之人陳國邦、吳浣儀有大量的對手戲,其中一幕她更要與吳浣儀在火葬場相擁痛哭,演技大爆發,未知Hanna與兩位前輩拍劇,可有感到壓力?她表示:「其實火葬場呢場戲,劇本冇要求我要喊,但因為我太投入角色,我角色要去送我鍾意嘅人最後一程,可能被四周環境帶動情感,所以一Roll機就自然喊咗出嚟,冇半點壓力。」她還指陳國邦與吳浣儀要是專業的演員,尤其每當自己遇到疑問,陳國邦都樂意教她,也會與她討論拍攝上的問題,所以跟他們合作好舒服,不會感到有壓力。

陳漢娜與陳國邦有不少對手戲

獻熒幕初吻給女生

另外為了今次劇集,Hanna還要將熒幕初吻獻給盧慧敏,不過首次與同性咀嘴的她坦言沒太大感覺:「覺得係個搞笑嘅嘗試,本身同對手係認識,事前冇準備功夫,反面同女演員錫感覺唔會太緊張(演出尺度去到邊?)未接受到裸露同全裸拍攝。」

火葬場唔想講太多嘢

Hanna在上次《殺破狼.貪狼》中,需要瞓停屍間拍攝兼瞓足一整天,而今次新劇她又要到紙紮舖、火葬場等地方拍攝,問到拍攝時有否遇到怪事?她表示:「百無禁忌,因為我唔係演死人,所以冇利是收,我角色係做紙紮舖太子女,喺紙紮舖拍攝,感覺唔太驚,但喺火葬場拍攝,會有好多先人,所以去現場感覺氣氛好沉重同莊嚴,頓時間唔想講太多嘢。」

今次新劇陳漢娜要到紙紮舖、火葬場等地方拍攝
陳漢娜、吳浣儀
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟