【三年之約】吳業坤自稱「偽毒」 出絕招請食大閘蟹溝鄧小巧

歌手吳業坤入行以來異性緣甚好,最近又有一個女歌手「淪陷」,她正是鄧小巧!鄧小巧昨日(7號)在社交網上傳一張與吳業坤的合照,並大讚對方「好Man啊!」,究竟發生咩事?原來係吳業坤終於兌現一個三年前嘅承諾,就係請鄧小巧食大閘蟹!

睇吓鄧小巧幾開心(Instagram圖片)

吳業坤找數請食大閘蟹

鄧小巧在社交網留言說:「吳業坤!你好嘢!!!話說幾年前佢話請我食大閘蟹,後來冇咗件事,然後秋風起我見到佢都會同佢追數!而三年之後,上台表演前!佢真係有拖冇欠!好man啊!!!!」鄧小巧鍾情食大閘蟹,而吳業坤曾經承諾過會請客,相隔三年終於肯找數,難怪鄧小巧咁開心,都忍唔住大讚吳業坤。至於常被網民指「偽毒」的吳業坤也上傳了鄧小巧見到大閘蟹流晒口水的照片,還自嘲「偽毒」介紹溝女絕技:「講左三年,請你啦唉!#送花不實際送蟹佢實制 #偽毒溝女絕招之後台食蟹」

吳業坤自爆溝女絕招
分享: