為財困親自解畫 林作媽媽:我個仔話可以做鴨幫老母

前大律師林作日前在社交網自爆「屋企最近環境急轉直下,已經在蘊釀出售層所謂豪宅」,仲話「一定會同媽媽一齊度過難關」,點知引起不少迴響,林作更直指收到不少地產經紀致電,令他直言「唔會再覆啦」!

林作媽親自解畫(影片截圖)
林作媽親自解畫(影片截圖)

林作做鴨幫阿媽

至於「當事人」之一的林作媽媽昨日(30號)剛好從北京回到香港,林作就立馬捉埋阿媽一同開Live就最近的事情回應。對於財困一事,林媽媽表示:「首先多謝我個仔擺我上枱,今日要搞清楚我財困問題,本身係遇到啲問題,但我個仔話可以做鴨幫佢老母,咁我梗係高興!」林作更搞笑回答說:「阿仔做鴨你高興喎!天下真係冇咩你咁嘅老母呀!」

林媽媽講笑話個仔肯做鴨(影片截圖)
林媽媽講笑話個仔肯做鴨(影片截圖)

其後林媽媽表示今次回來不用賣樓:「依家有人幫我還債(係咪喺北京撲到水?)係呀,加埋我個仔做鴨添呀,夠啦!」她還透露暫時仍不會賣樓,待可能再財困時再算。林作坦言當時聽到媽媽話財困要賣樓時以為她講真,而林媽媽則笑言:「唔係咁樣講你點止水喉,你係最大使,財困之後你就慳啦!」

想林作結婚

當林作再問道賣樓問題時,林媽媽則將矛頭指向林作說:「又冇女喎,又結唔到婚,我都想湊孫!冇女我就要賣屋㗎喇,只可以咁樣,如果有女返入嚟,我就唔使賣樓。如果三妻四妾呢,就隔籬再買多幢!」

林媽媽講明想抱孫(影片截圖)
林媽媽講明想抱孫(影片截圖)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟