星座少女拍MV 「焗」住同假人拍拖

女子組合「星座少女」今年推出首支派台新歌《男孩子們》,早前為拍攝新歌MV,四位成員Emma(潘小環)、Poyiu(黃寶瑤)、Cman(李善敏)及Cecilia(易佩詩)接受連月來特訓操肌和練舞,而MV近日終於正式推出!在MV入面,四人換上分別代表「可愛」、「型格」、「性感」的三種造型,藉此帶出星座少女不同的一面。

左起︰Cecilia、Cman、Emma、Poyiu
左起︰Cecilia、Cman、Emma、Poyiu

四女為今次MV拍攝,特意於屯門一空置船廠內取景,更由早上開始直踩20小時拍攝。對於處女MV出來的效果,四位成員均表現興奮:「當日拍咗好長時間,都近乎跳咗成日,當時冇刻意去睇拍成點,反而專注跳舞方面,所以好期待MV推出,依家睇到努力嘅成果,真係好開心!」

拍MV「有血有淚」
拍MV「有血有淚」

拍MV「有血有淚」

隊長Emma更直指今次MV「有血有淚」:「由於拍攝嗰陣正值炎夏,導演又揀喺密室拍攝,加埋燈光真係好熱好焗,起初我都有啲唔舒服,都擔心會焗暈,好彩拍攝順利,而我哋每當拍攝空檔都會入化妝間『過冷河』,因為得嗰度有冷氣!」

星座少女認真對待MV拍攝
星座少女認真對待MV拍攝

同「假人」培養感情

另外今次四女都要與「假人公仔」做對手戲,她們都笑言拍攝前有跟「對方」培養感情,其中Cman表示:「公司之前話MV男主角係假人,仲叫我哋要同佢培養感情,我哋聽完都笑唔停,不過依家我已經同佢感情深厚,拍完仲有點唔捨得佢!」Poyiu則坦言拍攝時為求投入角色,勾起過往拍拖時一些被男友冷落的不愉快經歷,更笑言將假人當成「仇人」。至於拍拖零經驗的Cecilia則表示於MV中享受拍拖感覺:「感覺好奇怪,得我一個講,而個假人又點會理我,自己好似個傻婆咁,不過都算係拍過拖掛。」

星座少女要跟假人做對手戲
星座少女要跟假人做對手戲
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟