正式做人妻!吳若希揀喺唱片公司簽紙

恭喜晒!歌手吳若希(Jinny)於今日10月10日與男友Alex簽紙結婚,正式成為人妻!Jinny更在老闆何哲圖的陪同下,於Big Big Channel開Live接受訪問。

訪問中問到Jinny正式簽紙的感覺如何時,她竟然直言比想像中般感動:「啲人話係會感動到講唔到(誓詞),但我哋頭先讀誓詞時完全覺得自己浸淫喺歡樂氣氛當中(有冇蝦碌嘢?)冇咩蝦碌嘢,簽紙係好簡單嘅過程,最蝦碌係覺得份誓詞寫得唔夠詳盡,例如婚後啲錢邊個管呀!」

唱片公司簽紙有特別意思

今次Jinny選擇於唱片公司簽紙,她表示有特別意思:「今次除咗請咗老闆(何哲圖)做見證,呢個地方係我每一次有重要合約都會喺呢度簽,所以今次呢個人生幾重要嘅『合約』都想嚟呢度。」至於何哲圖更坦言有嫁女的感覺,並表示Jinny讀誓詞時心裏很感動:「呢間房經歷過好多事情,我睇住佢遇到挫折、問題都好大膽,到結婚都好開心、溫馨,我自己都好感動。」Jinny也坦言何哲圖就像自己父親一樣,與自己走每一段路。

吳若希選擇於唱片公司簽紙結婚,並請何哲圖(右)做見證人(影片截圖)
吳若希選擇於唱片公司簽紙結婚,並請何哲圖(右)做見證人(影片截圖)

嫌麻煩結婚唔大搞

講到為何選擇10月10日結婚?Jinny則笑言沒有特別原因,她透露事前已請人擇日,另外還認為10月10日有十全十美的感覺。問到會否希望大排筵席?她就表示不太想:「都嫌麻煩,好彩屋企人都好開通,可能係請最Close嘅親戚朋友,喺外地結婚行禮。(嚮往教堂之類的婚禮?)都希望有嘅,但諗返又覺得麻煩,都係簡單為主。」

叫我何師奶

其後Jinny亦在社交網上傳與老公情深對望的照片,並留言說:「10月 10日,好日,簽個字,請叫我何師奶~今日我倆一切從簡在唱片公司,在律師同老闆 Herman 及一些好友見証(證)下,與 Alex 正式結婚~希望大家可以祝福我倆,像結婚誓詞一樣愛護及包容大家,令這段婚姻得到真正的美滿~」

吳若希及老公Alex(Instagram圖片)
吳若希及老公Alex(Instagram圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟