曹星如興奮掟走拳套 竟然要道歉?

「神奇小子」曹星如(Rex)星期六獲得22連勝,當晚更興奮得將拳套拋給台下觀眾,不過事後他竟然要為此致歉!

原來當晚取得香港區直播權的香港寬頻,一早安排將拳套用作抽獎禮物。香港寬頻於facebook以「【Rex真•決戰拳套,失而復得】」為題發帖,直言「當我哋目擊Rex掉走咗對拳套嗰刻,我哋都畀佢呢下忘我嘅moment嚇到一額汗」。

曹星如(「HKBN 香港寬頻」Facebook圖)
香港寬頻形容拳套「仲有Rex陣味」

相關人員之後衝下台找尋拳套,幸最終取回:「真心喺度同嗰位本來執咗對拳套嘅師兄師姐講聲唔好意思,亦都多謝你哋願意交返拳套出嚟。」並在帖文加上「#真拳套仲有Rex陣味」、「#有d油」的標籤。香港寬頻補充,向兩位拾獲拳套的觀眾送上iPhone 8 Plus(256GB),另外在Rex休養完之後,會再補送一對Rex簽名訓練拳套!

網民笑言要Rex除褲補數

正在養傷的Rex得悉事件後,在Instagram發帖文向香港寬頻致歉:「我唔知道個拳套原來係要拎嚟抽獎,sorry呀!」有網民留言稱讚Rex可愛及支持他,認為現時最重要是養好傷。另有網民笑言:「如果搵唔番,我估你另一隻眼都會腫埋」、「有人話叫你除褲 送條拳賽褲補數喎」。

分享: