效法鼎爺 黃長興欲做西餐廚神

藝人黃長興早年在香港開設法國餐廰,對西餐向來講究的他還不時親自廚鑽研菜式,因而被廚具品牌睇中,日前應邀出席活動,並安排現場二十位現場人士進行試食,不過卻引來大批街坊圍觀,最後他在百多人面前即席示範法式料理!

黃長興與市民打成一片
黃長興與市民打成一片

市民讚靚仔

雖然黃長興首次在市民面前獻技,但他顯然一絲不苟,示範法國洋蒽湯及蟹肉餅兩道菜式,期間展現出色的刀藝及烹調的技巧,還向大家大派「含水落刀切洋蒽包保不流淚」的入廚貼士,氹得現場觀眾十分開心,而有份試食的市民更大讚黃長與烹調水準一流外,還有一眾女士狂讚他靚仔!

黃長興示範法式料理有板有眼
黃長興示範法式料理有板有眼

與鼎爺分別做中、西餐廚神

對於現場觀眾的反應,黃長興亦坦言始料不及:「估唔到咁多人鍾意我煮嘅食物!其實我一向鍾意煮西餐,畢竟喺法國住咗咁多年,對佢嘅煮法同味道都相當了解,而經過呢幾年喺香港生活,你叫我整個楊州炒飯都冇難度㗎⋯⋯不過,中餐當然係鼎爺(李家鼎)犀利啦,每度菜式都色香味俱全,但咁西餐廚神就不如留畀小弟啦!哈哈!」講到男人愛下廚,受惠自然是愛妻,不過黃長興卻笑言除太太外,還有女兒及兒子兩位小粉絲:「佢哋好捧我場,每次我煮嘅嘢,佢哋都會掃清光,我有時仲會同佢哋一起整薄餅,一齊搓粉、落料,都係好好嘅親子活動!

黃長興女兒都有撐場
黃長興女兒都有撐場
分享: