重口味!陳敏之竟然「開心Share」呢樣嘢

雖然好嘢係要開心Share,不過有時候又唔使樣樣嘢都同人Share嘅,好似做咗人媽咪陳敏之,竟然好大方咁將自己嘅人奶分享畀老友江美儀飲,諗落都有少少重口味!

江美儀讚陳敏之啲人奶好飲......(Facebook圖片)
江美儀讚陳敏之啲人奶好飲……(Facebook圖片)

開心Share人奶

至於江美儀今日(26號)就喺社交網上傳兩張相,其中一張就係江美儀與陳敏之嘅合照,相中見到兩女拎住奶樽對住鏡頭笑得好開心,而苗僑偉則企係後面指住奶樽,斷估佢唔會想飲啩?至於江美儀就留言說:「我除了飲過我阿媽啲人奶,敏之你係第二個!唔錯,幾香,幾好味!多謝!」而江美儀上傳的另一張相,則見到陳敏之谷起個胸,然後江美儀聯同陳凱琳、蔡思貝、黃翠如、麥美恩各拎飲管,對住陳敏之個胸扮吸人奶,果然人人有份,為不落空!不過一班網民睇嚟就唔係好接受到,不禁留言反問「咁重口味?」兼話玩到咁大!

陳敏之派奶,人人有份,永不落空(Facebook圖片)
陳敏之派奶,人人有份,永不落空(Facebook圖片)
分享: