動作戲親身上陣 陸詩韻拍新戲搞到周身瘀

藝人陸詩韻繼2009年拍攝電影《竊聽風雲》後,相隔8年將再登大銀幕,出演以女子特種部隊為題的新電影《霸王花2之不義之戰》。她在戲中與梁琤等飾演警隊中的特種部隊精英,一同追捕悍匪,期間不僅有連場埋身肉搏的武打鏡頭,還有飛車、爆炸、槍戰等激烈場面,難怪陸詩韻表示:「咁大個女第一次拍攝咁大陣仗嘅場面,真係一個好好嘅嘗試。」

陸詩韻拍動作戲親身上陣
陸詩韻拍動作戲親身上陣

親身上陣搞到周身瘀

陸詩韻在拍攝當日,與梁琤以一副「武裝」造型上陣,期間梁琤不時教她開槍技巧,她表示:「梁琤有功夫底子,動作同槍戰場面對佢嚟講係架輕就熟,但對我嚟講比較陌生,所以我要花多啲時間受訓,原來槍都分好多種,揸槍又有好多技巧!我成日一開槍就合埋雙眼,梁琤教識我好多揸槍甫士同技巧。」她表示今次拍攝大部分動作都是親身上陣,還自嘲自己是「容易受傷的女人」:「因為要一邊飛車,一邊槍戰,喺車廂入面撞嚟撞去,撞到膊頭、手腳都瘀晒。」

陸詩韻
陸詩韻
陸詩韻拍戲拍到周身瘀晒
陸詩韻拍戲拍到周身瘀晒

接受特訓

為了今次角色,陸詩韻更與其他演員一同接受射擊與武打等訓練,不過她接受射擊訓練時表現有點狼狽,真係連槍都未揸得穩,莫講話要射中個靶,對此她笑言:「基本上我係從來冇玩過槍,以前喺無綫拍劇都試過吊威也同揸槍拍攝,但真真正正支槍究竟係點樣揸,其實我係唔識。」所以她特別接受兩至三星期的特訓「惡補」射擊技巧,她更指受訪當日才第一次射靶:「之前我連咩叫槍匣都唔知,依家學多咗好多相關知識,發現槍都會畀到我滿足感!第一,揸住枝槍攞甫士好有型,第二,開槍感覺好痛快。」

陸詩韻接受特訓
陸詩韻接受特訓

至於武打訓練,陸詩韻卻因腰傷而沒有上武打堂:「夏天好多戶外活動,我變咗活動組組長,例如搞保齡球團,又搞遊船河,我就係因為太貪玩,遊船河時跣腳扭親條腰,扭親之後我以為好小事,所以冇乜點理,仲繼續玩,點知回到家才發現條腰赤赤痛。」她為免令腰傷惡化,最後只能放棄接受武打訓練。

陸詩韻
陸詩韻

做「打女」睇緣份

另問到陸詩韻會否朝「打女」路線發展?她則表示要睇緣份,她指自選完港姐後走的路線都有別於其他人:「個個選擇拍劇嗰陣,我就揀做司儀;個個揀做少奶奶,我就做打女,其實我之前都有學跳舞,但奈何冇機會,到依家先真正有拍動作戲嘅機會,所以要睇緣份,如果有機會都想繼續嘗試。」

陸詩韻話做「打女」要睇緣份
陸詩韻話做「打女」要睇緣份
分享: