低潮期壓力爆煲 王君馨自爆曾患暴食症

藝人王君馨(Grace)昨日接受電台訪問,細數入行多年的演藝之路,期間自爆曾因壓力爆煲患上暴食症!

王君馨接受梁泰來的電台訪問(Instagram圖片)
王君馨接受梁泰來的電台訪問(Instagram圖片)

自爆患暴食症

Grace透露自當選香港小姐亞軍後,未卸任已被安排出戰內地節目《舞動奇跡2》,甚至順利勇奪冠軍寶座,當時她以為自此事業便能一帆風順,豈料當她在2011年主持飲食節目《日日有食神》時,因中文程度問題而未能對菜式作出評價,因而被網民狠批表現差兼浮誇,最終令她壓力太大加上情緒抑鬱而患上暴食症!Grace甚至坦言有時覺得自己變到好假:「因為人哋抨擊你嘅時候,你仲要笑住講『我以後會做得好啲』,但內心係好唔舒服,好唔開心,我唔敢喺餐廳食飯,唯有返到屋企不停食,整個焦慮同暴食嘅情緒維持咗九個月至一年,最肥嘅時候曾有127磅,雖然對我嘅身高嚟講唔算係肥,但對一個香港藝人嚟講已經很肥!」最後Grace幸好有圈中好友趙希洛、周家蔚的開解,並帶她去教會,令她的情況得以改善。不過對於這段低潮期,Grace仍然心存感激,所謂患難見真情,她認為在低潮期仍有人願意幫助自己,能讓她看清誰對自己最好。

王君馨自爆曾患暴食症(Instagram圖片)
王君馨自爆曾患暴食症(Instagram圖片)
王君馨近年的表現獲得好評(Instagram圖片)
王君馨近年的表現獲得好評(Instagram圖片)

曾因老公妒忌心重分手

至於講到與老公Daniel的異地戀,她表示原來兩人曾經分過手,而最初分手原因是老公的妒忌心:「我到香港Exchange,有時候同男仔朋友影相Po上網,佢都會問我好多問題。當時諗如果連少少信任都冇,仲點樣行落去,所以分咗手。」不過兩人最後因信仰的關係再次復合。

王君馨曾同老公Daniel經歷分手(Instagram圖片)
王君馨曾同老公Daniel經歷分手(Instagram圖片)
王君馨依家係幸福人妻(Instagram圖片)
王君馨依家係幸福人妻(Instagram圖片)
分享: