【Mark點算?】男粉絲當眾求婚 G.E.M.嚇到精神失常

歌手鄧紫棋(G.E.M.)一連三場「Queen of Hearts」世界巡迴演唱會香港站,昨晚(15號)假紅館正式開鑼,除了她的父母及外公外,張栢芝攜幼子Quintus及胞弟張豪龍兩父女、李玟、顧紀筠、黃長興等藝人撐場。至於開場時G.E.M.着上心形開胸連身短裙,以「紅心女王」Look 率領八位「鬥士」舞蹈員登場,以一曲《A.I.N.Y.》揭開序幕。

張栢芝攜幼子Quintus睇騷
張栢芝攜幼子Quintus睇騷
G.E.M.以「紅心女王」Look登場
G.E.M.以「紅心女王」Look登場

五度攻紅館

對於第五度踏上紅館,G.E.M.都坦言百感交集,緊張得彷如第一次開演唱會!就算父母特意在開騷前到後台探班,她也只懂「木口木面」天然呆回應:「因為呢到好似回顧緊自己慢慢長大一樣,我7年以嚟感受到身邊有好多嘅愛,包括你你哋對我嘅愛,做新人因為有新鮮感,一定會特別引人注意。但我入行9年仍然有咁多你哋支持我,可以再喺紅館開三場騷,係大家畀我嘅動力同意義。」

G.E.M.
G.E.M.

突然被求婚

今次巡唱的特別之處是她為過不少歌迷擔當「媒人」向他們的心儀對象表白,豈料在香港站她卻成為被表白的女主角!一名癡情男歌迷突然捧起108朵紅白玫瑰花走在台前向她求婚,搞到G.E.M.即時嚇到O嘴,仲反問返個歌迷:「唔係嘛?你向我求婚?你認真㗎?我依家有啲精神失常。」至於該名男歌迷再送上一盒禮物,原來是一條心形開胸裙,深受驚喜的G.E.M.最後向該「求婚男」表示:「你嘅提議,我今晚會考慮吓再答覆你,我第一次畀人求婚,我要定一定驚先。」

有男歌迷突然向G.E.M.求婚
有男歌迷突然向G.E.M.求婚
嚇到G.E.M.話自己精神失常
嚇到G.E.M.話自己精神失常
男歌迷送心形開胸裙畀G.E.M.
男歌迷送心形開胸裙畀G.E.M.

多謝愛過我或傷害過我嘅人

在Encore環節上,G.E.M.眼濕濕答謝現場每一位歌迷,稱紅館這個舞台帶給她無數回憶:「我試過一落台就淚流滿面,因為當時啱啱經歷分手。又試過喺台上感動到跪低,全場一萬人陪我祈禱。我喺呢到度過咗好多美好時光,多謝愛過我或傷害過我嘅人,仲好多謝一位令我由睡公主變成Queen of Hearts嘅人,呢位係我King of Hearts,我嘅上帝。」接住唱出13歲時創作的首本名曲《睡公主》為個唱劃上句號。

G.E.M.眼濕濕答謝現場每一位歌迷
G.E.M.眼濕濕答謝現場每一位歌迷

而向來熱心慈善的G.E.M.與多間慈善機構合作,邀請不同慈善機構中受惠的兒童及青少年,免費欣賞香港站演唱會頭場,實行寓開騷兼行善!

G.E.M.成晚心情HIGH爆
G.E.M.成晚心情HIGH爆
分享: