玩水都要型 杜德偉着「西裝」衝浪

歌手杜德偉(Alex)早前擔任大陸節目《圍爐音樂會》嘉賓,在節目真人騷部分他要接受特別任務,他表示:「電視台叫我諗吓有咩想做,我之前一直都有玩開滑水,但放低咗一段時間,加上未試過衝浪,所以就膽粗粗提出挑戰衝浪。」

杜德偉早前擔任大陸節目《圍爐音樂會》嘉賓
杜德偉早前擔任大陸節目《圍爐音樂會》嘉賓

西裝潛水衣夠特別

而作為「時裝達人」的Alex,估唔到連玩水都要「型」,當日電視台進行直播時,他以一身「西裝Look」迎戰室內衝浪,原來是早前在時裝周成功掀起話題的Thom Browne「西裝造型潛水衣」!Alex表示對這件玩味潛水裝情有獨鍾,故專程由歐洲訂回香港:「當知道電視台有安排衝浪環節嗰陣好開心,因為原本以為今個夏天應該無緣着呢件咁特別嘅衫,依家有機會着到,唔會畀老婆話我買埋啲無謂嘢返屋企!」Alex的裝扮連主持人見到都嘩嘩聲,更直言他未落水已經完勝!

杜德偉着「西裝」衝浪
杜德偉着「西裝」衝浪

重新愛上水上活動

在節目中Alex着住「西裝潛水戰衣」,在衝浪板上做出多個高難度動作,有姿勢有實際,搞到在場女工作人員暈晒大「浪」!另外他亦與其他嘉賓企喺衝浪板比拼耐力,最後由Alex成功勝出,事後他表示:「第一次玩衝浪感覺同滑水好唔同,開頭都好緊張會平衝唔到,但最後都捉到個竅門,覺得幾容易玩,令我重新愛上水上活動!」

杜德偉衝浪迷倒在場女工作人員
杜德偉衝浪迷倒在場女工作人員
分享: