接蘇麗珊棒拍廣告 陳漢娜唔介意被比較

模特兒出身的新晉女星陳漢娜(Hanna),憑住在電影《殺破狼.貪狼》亮眼的表現成影壇新寵,日前她更接蘇麗珊(Cecilia)棒,為服裝潮牌拍攝廣告!

最近忙於宣傳新戲的Hanna在拍攝當日雖略帶倦容,但一埋位即「叉足電」,純熟地擺出連串甫士,她亦在空檔期間與造型師齊齊討論飾物配搭,最後僅花12小時便完成10多套服裝拍攝。雖然Hanna向來給予人清新有氣質的感覺,但原來私下的她相當豪邁,甚至自稱「女漢子」,問到平日的穿着Style,她表示:「我鍾意Causal又帶啲型格嘅衫,同今次品牌秋冬系列嘅中性風格不謀而合,希望大家可以見到真實嘅我。」

陳漢娜成影壇新寵
陳漢娜成影壇新寵
陳漢娜接蘇麗珊棒拍廣告
陳漢娜接蘇麗珊棒拍廣告

唔介意同蘇麗珊比較

Hanna在拍電影前曾擔任模特兒,問到模特兒的經驗對演戲會否有幫助?她坦言:「兩個工作性質好唔同,不過做模特兒嗰陣習慣拍攝現場有好多人望住自己,所以演戲嗰陣對住多個幕後工作人員,自然冇咁緊張。」至於講到品牌去年由蘇麗珊拍攝同一個系列,加上兩人屬影壇新人,會否介意外界將兩人比較?Hanna坦言不會介意:「大家都係演員,只係唔同時間入行,我本身好多朋友都識佢,算係同佢有緣份!其實唔止Cecilia,好多人都會將我同唔同人比較,但我覺得大家嘅路線唔同,所以唔怕比較。」

陳漢娜唔介意同蘇麗珊比較
陳漢娜唔介意同蘇麗珊比較
蘇麗珊(Instagram圖片)
蘇麗珊(Instagram圖片)
分享: