夠唔夠膽食?吳業坤拉麵拉到跌晒落地

歌手吳業坤向來都鍾意於社交網上同網民分享吓近況,雖然不時因為打錯字而鬧出唔少笑話,不過正因為咁而吸引更多網民留意佢嘅動態。

表演拉麵

有咁多人留意自己社交網,吳業坤當然要落力經營,密密更新社交網的他昨日(14號)又再更新,並上傳一段拉麵的片段,見到佢着住圍裙,手中拎住一大條麵團,然後將條麵團上下左右前前後後,花式咁揈嚟揈去,最後搞到整斷咗條麵團兼跌埋落地,成個過程似玩麵多過拉麵,佢都不禁留言問:「我拉你食唔食!」不過一班粉絲顯然非常受落,就算啲麵跌咗落地都大讚他犀利,仲舉晒手話要食佢拉嘅麵添!

吳業坤開頭整得有板有眼(影片截圖)
吳業坤開頭整得有板有眼(影片截圖)
後尾開始玩花式(影片截圖)
後尾開始玩花式(影片截圖)
最後分開咗兩條,仲跌埋落地(影片截圖)
最後分開咗兩條,仲跌埋落地(影片截圖)
分享: