世紀大騙局!麥紫莉認拍AV係假: 我後悔了

擁有G Cup身材的o靚模麥紫莉(Chili)今年7月聲稱會前往日本拍AV,成為香港首位AV女優!消息一出後Chili隨即成為全城焦點,在芸芸的o靚模中脱穎而出,更帶挈工作量急增。然而隨住一個月又一個月的過去,Chili的AV之行都未有動靜,不少人都懷疑其真偽,認為她只係搏宣傳!而直至今日(13號)有傳媒爆出一切只是一個謊言,報道指Chili的經理人公司僅屬未註冊公司,所謂的到日本拍AV只為捧Chili上位,而Chili近日亦因公司多次拖糧而與公司正式解約,其後Chili接受傳媒訪問時也承認自己講大話。

發文道歉

其後Chili亦在社交網留言,為欺騙大眾而道歉,她首先表示:「終於可以講返自己想講嘅嘢,終於可以做返自己,終於可以唔使任人擺佈,終於可以理直氣壯話俾大家知我唔會拍AV。」然後Chili坦言知道欺騙大家是自己的錯,亦不可推卸責任:「當初我的確係喺知情嘅情況下,一次又一次咁講大話。但係當我脫離呢個珈瑣(枷鎖),我恨不得馬上走出嚟向大家道歉,因為我痛恨呃人,亦痛恨俾人呃。」

我後悔了

她透露當初公司向她提出這建議時,雖明確表示僅屬噱頭,但自己不知如何向家人解釋而沒有立馬答應,然而公司卻表示只有自己有人識,便能搵到錢,事件亦會有個不錯的結尾:「結果?同屋企人鬧交,搵唔到錢,出街、上網都俾人指指點點,壓力大到瞓唔到覺,每次見記者都好怕被問幾時出發,因為公司無話過俾我知點收科,亦都無諗過要收科,最重要係,的確係有人認識,但全無形象可言。我後悔了。」最後Chili希望大眾能原諒她的不智及對大家的欺騙,同時亦原諒她遲來的坦白,以及被幻滅的夢。

麥紫莉在Facebook留言道歉
麥紫莉在Facebook留言道歉
分享: