大壓力點舒緩?許廷鏗自爆靠打牌減壓

「仁美清叙」主席程瑤就近年年輕人輕生的問題,今年舉行「舞動香港正能量」的活動,希望發放正能量,而她早前就請來歌手許廷鏗(Alfred)接受訪問,向年輕人分享減壓的方法。Alfred坦言現在科技發達,大家都只顧用手機而忽略面對面溝通互動的時間,故此他笑言與朋友聚會的時候會實行「嚴禁用電話」:「大家會拎手機出嚟收起佢,訊息都唔會覆,爭取互動嘅機會。」

打麻雀減壓

至於問到Alfred作為藝人會如何減壓,他笑言:「我以前唔識打麻雀,因為驚畀人覺得『爛賭』,不過最近學識呢個玩意,幾忙都會抽啲時間同朋友打吓麻雀,當然係小數目嗰種。我覺得輸贏唔重要,只係覺得打牌嗰陣只會專注係呢個玩意,其他嘢暫時放低,呢個時候畀自己休息輕鬆吓。」Alfred亦提到現時會抽不少時間去陪伴家人,透過與家人聚會及傾訴,亦是一種解決問題及舒緩壓力的方法。

而程瑤則坦言現今社會充斥太多負能量,故希望透過這活動,去改善年輕人自殺輕生的風氣。她更指今次邀請Alfred的原因乃對方充滿正能量:「我每次同佢見面做嘢,佢都會帶畀身邊人正能量,所以今次邀請佢嚟做分享。」

許廷鏗、程瑤
許廷鏗、程瑤
分享: