投晒降!關心妍囡囡淨係識叫「爸爸」

歌手關心妍(Jade)去年誕下愛女楊榮心,不經不覺囡囡已經1歲,仲開始識得講嘢,不過Jade卻因為咁搞到呷晒醋,皆因囡囡淨係識叫「爸爸」而唔叫「媽媽」!

心心唔肯叫「媽媽」

Jade昨日(10號)在社交網上傳一段囡囡的片段,片中見到她教心心講叫「媽媽」,點知心心淨係嗌「爸爸」,仲掛住玩玩具唔係好理Jade,無論Jade講咗幾多次叫「媽媽」,心心都淨係一味講「爸爸」,搞到Jade都好無奈咁問:「點解你要叫我做爸爸呢?」而她更留言說:「#楊榮心#joviayang 叫媽媽爸爸Battle 我投降」網民看畢片段後都大讚心心可愛,更叫Jade要認命,誰叫女兒是爸爸上世情人!同時Jade的影片亦引來媽媽網民不禁留言呻埋一份,話自己個女都淨係叫爸爸,睇嚟子女叫「爸爸」定「媽媽」已成為父母間無形的鬥爭!

心心淨係嗌「爸爸」(影片截圖)
心心淨係嗌「爸爸」(影片截圖)
仲唔係好想理關心妍添(影片截圖)
仲唔係好想理關心妍添(影片截圖)
心心搞到關心妍投晒降(影片截圖)
心心搞到關心妍投晒降(影片截圖)
分享: