【小春雞5個月大】黎諾懿晒全家福 網民:一家三口高顏值

藝人黎諾懿入行多年發展平平,直至拍攝《愛·回家》飾演「馬壯」一角成功入屋,及後太太李潔瑩今年4月為他誕下囝囝「小春雞」後,黎諾懿的事業直頭嚟個絕地反彈,成為廣告新寵兒外,更相隔多年在新劇《燦爛的外母》中再度擔正做男一,「小春雞」可謂非常好腳頭!

小春雞5個月大

而「小春雞」本身又生得咁得意,加上為爸爸事業帶來第二春,黎諾懿當然錫到囝囝燶啦!雖然黎諾懿平時工作忙碌,但一有時間佢就會陪老婆受囝囝享受家庭樂,更不時在社交網上傳囝囝的照片,好似小春雞不經不覺已經5個月大,他亦於昨日(10號)在社交網上傳全家福,並留言說:「小春雞五個月大啦!#小春雞」見到相中一家三口頭貼頭合照,非常幸福溫馨,而小春雞則一副天然呆的萌樣望住鏡頭,成功搶鏡!唔少網民都大讚小春雞得意,仲話佢哋一家三口都有高顏值!

小春雞帶旺黎諾懿事業有起色(Instagram圖片)
小春雞帶旺黎諾懿事業有起色(Instagram圖片)
黎諾懿不時喺社交網晒幸福(Instagram圖片)
黎諾懿不時喺社交網晒幸福(Instagram圖片)
小春雞真係好萌(Instagram圖片)
小春雞真係好萌(Instagram圖片)
分享: