落選仲好觀眾緣 邱晴自言成長不少:對得住自己

《2017香港小姐競選》已經結束咗好幾日,各個獎項已經塵埃落定,不過賽果卻惹來不少網民的不滿,尤其雙料冠軍雷莊兒更是被鬧到體無完膚,反而一班落選的香港小姐則得到一班網民極力支持,網民除咗力推有「仙氣李若彤」之稱的伍樂怡做民選冠軍外,由起初到決賽當晚進步極大,而成為「黑馬」的邱晴亦深受網民喜愛。

邱晴在社交網留言感謝大家支持(Instagram圖片)
邱晴在社交網留言感謝大家支持(Instagram圖片)

令我依個傻頭傻腦嘅人成長

當初以年僅17歲之齡參選的邱晴起初不被看好,不過決心減肥的她去到泳衣綵排當日以最弗狀態示人,因而被外界視為「黑馬」!至決賽當晚亦有唔錯的表現,可惜未能晉身五強,唔少網民都戥她感到不值。獲得如此多人的支持,她昨日(7號)亦在社交網留言講參選後的感受,她說:「好多人都話我好努力,好有進步,但其實我好似無特別去改進過,反而係覺得自己係無形中長大,改變左(咗)自己嘅心態。其實係綵排嘅時候我多次感到氣餒,認為自己無法應付,無法面對普羅大眾,質疑自己係咪唔適合依個舞台,隨着時間一分一秒咁過,緊湊嘅綵排,我覺自己唔可以再鑽牛角尖,因為橫掂嗰日係必需發生,咁點解要怕?依個舞台係自己,應該去享受,而唔係畏懼,所以我嘗試改變自己嘅心態,放鬆自己,既然現實無法改變,那麼只有改變自己。我覺得我贏左(咗),結果對得住我最愛嘅屋企人,對得住一直支持我嘅朋友同支持者,亦都對得住我自己。❤️多謝大家!令我依個傻頭傻腦嘅人成長。」

唔少網民都留言為她打氣,認為她已經盡力表現最好的一面給大家,並大讚她年紀輕輕已能夠站上這麼大的舞台展現自己,已贏得大家的支持及尊重,並希望她把握自己的青春,有更好的前途!

邱晴在決賽當晚被視為「黑馬」(Instagram圖片)
邱晴在決賽當晚被視為「黑馬」(Instagram圖片)
邱晴與韓國女星金裕貞撞樣(Instagram圖片)
邱晴與韓國女星金裕貞撞樣(Instagram圖片)

 

分享: