拉埋陳百祥落水 雷莊兒:忘記中文係弱點,專注自己

《2017香港小姐競選》結束至今,爭議聲依然不斷,當中雙料冠軍雷莊兒(Juliette)更是被人狠批兼惡搞,不過自言唔叻中文的她,開埋Live認自己中文差,仲話唔會浪費時間去翻譯中文留言,只會繼續做自己,唔會介意負評,超有自信的表現卻惹來網民更反感,搞到無綫為咗平息民怨,特登搵埋上兩屆港姐冠軍麥明詩、馮盈盈與Juliette一齊開Live,兩位師姐仲幫晒口講好說話添!

忘記中文係弱點

雖然有冇正面作用就屬未知之數,但已知嘅就係Juliette好鍾意辣㷫網民,好似今日(7號)佢又在社交網繼續以英文發表偉論,佢上傳一張陳百祥拎住咪高峰講嘢,而佢企喺旁邊的照片,並留言說:「He said: forget about Chinese being your weakness, just focus on your performance and yourself, then you will be fine. Indeed, he was right. Thank you 叻哥.(佢話:忘記中文係你弱點,淨係專注喺你嘅表演同你自己,咁你就會好好。確實,佢係啱嘅,多謝叻哥)」Juliette明知自己弱項係中文,但就話「忘記」佢,淨係做好自己就得,咁講即係唔使改善自己的弱點?呢種態度絕非港姐、藝人,甚至普通人應有的表現喎!至於一班網民知道Juliette唔會理會中文留言,都紛紛改用英文留言,批評她最有問題是其態度而非中文程度。

雷莊兒Instagram留言
雷莊兒Instagram留言
分享: