陳冠希變「炫娃狂魔」 囡囡Alaia似足兒時自己

藝人陳冠希(Edison)性格向來火爆,前排佢先同余文樂喺網上發生罵戰,另外日前與MC Jin(歐陽靖)接受大陸網站訪問時,懷疑因為女主持人對Hip Hop唔了解,導致Edison整個訪問都嬲爆爆,仲當面寸到女主持口啞啞添!

想做好爸爸

不過原來Edison只要見到一個人,他就會完全收晒火,嗰個就係佢嘅愛女Alaia!自從女友秦舒培為他誕下愛女後,他對住囡囡就會完美化身慈父,日前他在成都出席新碟發布會時,更坦言見到囡囡開心,自己就會開心,並希望可以做個好爸爸。他在社交網更不時上傳囡囡的照片,唔再介意同網民晒幸福!好似昨日(5號)Edison又在社交網上傳囡囡嘅新相,而在旁邊則放有自己兒時的照片,他更留言問:「像我嗎?」唔少網民都留言表示勁似,更有人直指Edison是「炫娃狂魔」!

囡囡Alaia似足兒時的Edison(微博圖片)
囡囡Alaia似足兒時的Edison(微博圖片)
分享: