對狗敏感照樣照顧 官恩娜揚言唔棄養:承諾係一生一世

歌手官恩娜(Ella)早前宣布懷上第二胎,不過因為懷孕期間有嚴重的孕吐,搞到一直養緊嘅愛犬Bisous要交畀工人姐姐照顧,點知今日(5號)Ella在社交網上傳照顧愛犬的照片,並留言說要自己湊番!

承諾係一生一世

Ella本身因為孕吐關係,諗住叫工人姐姐每日幫Bisous刷牙,點知到後來發現對方一直都冇幫愛犬刷乾淨啲牙,搞到佢好心痛,所以佢留言說要自己湊返,仲話唔可以因為大肚或有咗BB而唔理甚至棄養自己隻狗:「之前因為嚴重嘅孕吐,有兩三個月時間唔可以每日幫Bisous刷牙將呢個重任交咗比屋企個姐姐呢兩個星期終於覺得好番啲,一檢查就發現原來姐姐一路都冇幫佢啲牙刷乾淨 搞到我好心痛 其實我都明嘅,隻狗係我自己嘅,一定要我照顧番先得!根本我都唔放心比其他人照顧佢!呢個承諾係一生一世嘅!唔可以因為大肚或者有咗小朋友就棄養或者唔理自己隻狗」

官恩娜可謂「最佳主人」(Instagram圖片)
官恩娜可謂「最佳主人」(Instagram圖片)

對狗敏感

Ella又透露自己之前有嚴重鼻敏感,檢查完更發現致敏原是自己隻愛犬:「之前因為嚴重鼻敏感,做咗個血液測試發現原來我對貓狗敏感!但我都冇一刻諗住唔要Bisous!兒(依)家幫佢刷牙同梳毛嘅時候會帶埋口罩同滴定防敏眼藥水!咁就okay!」網民見到Ella對愛犬如此負責,都大讚她是優秀的主人,並希望其他有養寵物的人都可以如Ella一樣不會棄養寵物!

官恩娜Instagram留言
官恩娜Instagram留言
分享: